| 28 Мая 2010
З нагоды адкрыцця Інстытута імя Гётэ ў Мінску ў новым памяшканні 28 мая 2010 г. а 15-й гадзіне ў Інстытуце пачне працу фотавыстава Андрэя Лянкевіча «Патаемнае жыццё».
Выстава „Патаемнае жыццё“ аб'ядноўвае фатаграфіі з 2-х серый: «Паганства» і «Беларускае Партфоліо», якія адлюстроўваюць моманты «не для фотааб'ектыва».
Мы раптам робімся сведкамі сакральных абрадаў, якія многія лічылі памерлымі. Да гэтых падзей для пасвячоных звычайна не маюць доступа людзі з камерамі, ды і ўвогуле ніякія чужыя. Тым, што мы можам назіраць за гэтымі інтымнымі момантамі жыцця, мы абавязаны бясконцай далікатнасці і паважнасці фатографа, дзякуючы якой і акдрываюцца перад ім яго персанажы.
Такім жа чынам доўгага заваявання даверу патрабуе і іншы закрыты свет – свет вайсковых навучальных устаноў, казармаў і вучэбных стрэльбішчаў. На першы погляд, тое, што там адбываецца, адкрыта любому воку і нават вельмі рада гэтаму напаказ – аднак якое патаемнае жыццё тлее пад уніформай, што запаўняе будні, а не бравурныя святы захопленых вайсковай рамантыкай маладзёнаў? Раптам памежнік становіцца галавой сям'і. А вайсковая гульня «Зарніца» больш нікога не застрашыць, а, наадварот, мільгне сваім іншым – абсурдным і нават гумарыстычным -- бокам…
Акрамя фотаздымкаў, на выставе будуць дэманстравацца відэаработы Андрэя Лянкевіча «Пакінутая вёска» і «Язычніцкія святы», а таксама скрыпт яго новага фотаальбома «Паганства», які неўзабаве выйдзе з друку.
Выстава стане уступным аккордам да ўрачыстай праграмы, якая працягнецца ўвесь дзень і завершыцца канцэртам рок-гурта «FOTOS» з Германіі і беларускіх ды-джэяў.
Паглядзець выставe будзе магчыма да 1-га жніўня.
Дадатковая інфармацыя: 2377119
Goethe-Institut Minsk
Інстытут імя Гётэ ў Мінску
вул. Веры Харужай, 25/3
220123 Мінск
Тэлефон: +375 17 2377119, - 26
Факс: +375 17 2374679
Этот e-mail адрес защищен от спам-ботов, для его просмотра у Вас должен быть включен Javascript
www.goethe.de/minsk
радскі транспарт:
• аўтобус № 19, 38, 91; тралейбус № 37, 40, 46, 53: прыпынак “Веры Харужай”
• аўтобус № 19, 25, 29, 38, 44, 59, 91; тралейбус № 12, 22: прыпынак “Максіма Багдановіча”
Магчымасці паркоўкі: ля бізнэс-цэнтру “Тэрмінал” на вул. Старавіленскай.