| 18 Апреля 2010
ІІI Мінская Міжнародная выстава графікі
Национальная библиотека Беларуси
С 20 апреля по 11 июня
Ужо ў трэці раз выстаўка такога ўзроўню пройдзе ў Беларусі і будзе экспанавацца ў трох галерэях Нацыянальнай бібліятэкі Беларусі: “Ракурс”, “Лабірынт” і “Атрыум”. У межах дзейнасці выстаўкі будзе праведзены конкурс, вынікі якога ацэніць аўтарытэтнае Міжнароднае журы, у якое ўвойдуць мастакі і мастацтвазнаўцы з розных краін. Падчас вернісажу пераможцам будуць уручаны дыпломы. Ганаровым госцем на гэты раз выступіць Фелікс Кароль (Славенія).
Упершыню ў ІІI Мінскую Міжнародную выстаўку графікі “Арт-лінія” будзе ўключана рэтра-праграма – выстаўка літаграфій англійскага графіка і архітэктара Джозэфа Нэша (1809—1878), вядомага ў Еўропе сваімі архітэктурнымі пейзажамі і жанравымі сцэнамі. Менавіта гэтая выстаўка, якая складаецца з 42 твораў, з’яўляецца першай презентацыяй фондаў графікі Нацыянальнай бібліятэкі Беларусі. Такая практыка будзе прадоўжана і ў наступных праектах.
Выстаўка графікі “Арт-лінія” павінна раскрыць новыя перспектывы графікі, яе вялікі патэнцыял, здольнасць пастаянна абнаўляцца, адкрываць магчымасці для пошуку і эксперыментаў; акрэсліць сённяшні стан графікі, яе месца ў творчасці сучасных мастакоў Еўропы; садзейнічаць усталяванню творчых кантактаў.
На вернісажы прадставяць звыш 160 графічных твораў мастакі з Іспаніі, Украіны, Расіі, Беларусі, Латвіі, Літвы, Эстоніі, Славеніі, Балгарыі і іншых краін.
Кантактныя тэлефоны: (017) 293 27 67, (017) 293 28 23.
З сайту afisha.tut.by